| ๙๐๑๏ สังบ่ เยื้อนยากให้เผืออุ่น |
มายมือ กี่เด |
| เมื่อนั้น สามมะเฮียวเตินแส่งพล |
คืนพร้อม |
| เสียงกือก้องกระดิ่งทอง |
ทวนย่าง |
| นักเนื่อง แส้ชะค้อมคืนสู่ |
นครหลวง ฯ |
| ๙๐๒๏ ค่างค่างแก้ช้างอาบ |
บางบิน |
| เขาฮีบ เนืองกันเมือสู่โฮง |
พันห้อง |
| ถวิลไหว้ราชา |
กลอยกล่าว |
| บอกที่ต้องแกวแญ้ |
ย่อยกระจวน ฯ |
| ๙๐๓๏ เมื่อนั้น ค่าวๆหน้าท้าวซึ่ม |
ชมถาม |
| เคืองจัก เต็งมวลมาฮอดเฮา |
วันนี้ รือไป่ |
| เขาก็ ขามเฮาดั้งเวียงสูง |
แสนง่อน |
| เหมือนดั่งพร้อมเถิงหนี้ |
เมื่องาย ทุกแล้ว ฯ |
| ๙๐๔๏ หมักหม่อนหน้าท้าวหนุ่ม |
ทุกขุน |
| ทังหลายพักใคร่ลง |
ลาเจ้า |
| ภูบาลห้ามปุนความ |
แควนเหนี่ยว |
| ให้แต่งเหล้าพานก้อง |
ส่องพัน ฯ |
| ๙๐๕๏ จัดฮีบพร้อมกินเที่ยว |
ทุกนาย |
| ยอคำแดงแจกปัน |
ฝูงเหง้า |
| คึดที่ ทานพลายต้องพลแกว |
กวนยาก เฮวพุ้น |
| เมื่อนั้น นบนาถแล้วลาเจ้า |
เลิกลง ฯ |
| ๙๐๖๏ ดีแก่ วันพรากเมี้ยนมัวมืด |
ลับเมือง |
| ฮงฮงเดือนส่องงาม |
เงาซ้าย |
| เฮืองๆใต้เทียนยวง |
เท็งแท่น |
| พระบาทคุ้มยินฮ้าย |
บ่สะเบย ฯ |
| ๙๐๗๏ เชืองแกว่นใช้ยอยื่น |
ทะไลคำ |
| ภูธรเลยสว่ายมือ |
เช็ดผ้า |
| ธรรม์ยำขึ้นสถานเพียง |
นอนเสื่อ |
| แม้งนึ่ง เดือนด่วนข้ามควงฟ้า |
ไก่ขัน ฯ |
| ๙๐๘๏ ดีแก่ สูรย์เฮื่อแจ้งใสส่อง |
เท็งภู พุ้นเยอ |
| ในเมืองนันตื่มคู |
แถมต้าย |
| ชะบุเนื้อบาไท |
เถิงนอก |
| เสเนศพร้อมทังค้าย |
อยู่วอน ฯ |
| ๙๐๙๏ ผ่อเห็น แพนหอกเหลื้อมเหลือท่ง |
เงินยาง พุ้นเยอ |
| ปะคือคำออนอว่ายมา |
มียั้ง |
| ไหลหลามเท้าบางบิน |
กากาด |
| มุ่งเห็น ฟ้ามืดดั้งลมล้าน |
ส่งฝน ฯ |
| ๙๑๐๏ ทุกที่เที้ยนทุงดาด |
ดับนา |
| ญนญน ชาวคำวังเญียะเชิญ |
ชัดใกล้ |
| เมื่อนั้น แองกาย้องหัวพลาย |
ทรงเพศ |
| เฮวฮีบ ใช้แล่นม้าเตินแส้ |
ส่งเสียง ฯ |
| ๙๑๑๏ น้องท่าน ผู่ก่งท้าวประชิดเทศ |
ทวนเถิง หนี้แล้ว |
| กลัวท่อ สองแพงเฮวฮีบเดียง |
ใจน้อง |
| เมื่อนั้น ฝูงสาวขึ้นชานหลวง |
เมิลมุ่ง |
| ป้าซ่าคุ้มคนิงฮ้อน |
ฮอดแสง ฯ |
| ๙๑๒๏ พู่งๆ แส้ชะค้อมชั้นชื่อ |
เชียงสา |
| ปุนแปงเกยก่อสูง |
สุมต้าย |
| พญาแกวเจ้าเมืองปะกัน |
ท้าวกว่า |
| ย้ายหมู่ช้างเซาซื่อ |
หนองตัง ฯ |
| ๙๑๓๏ สว่าๆพุ้นท้าวแดด |
แดนผี |
| กวานแก เขาหุนบังเบิกมา |
เชียงล้าน |
| อันจัก ทีดูด้วยพลแกว |
ฮู้มาก จิงแล้ว |
| ดั่งนั้น แสนต่อล้านควรได้ |
เบ่าขาม ฯ |
| ๙๑๔๏ เฮาค่อย ฟังกากแก้วหมอไก่ |
คุมเวียงก่อนเถิ้น |
| คองบูฮาณฮีตถาม |
เถีงเถ้า |
| ควรที่ เฮียงคดีดั้นเดินเถิง |
ท้าวฮุ่ง เฮาพุ้น |
| ค้ายสิ่งเหง้ายินพร้อม |
พร่ำเชิญ ฯ |
| ๙๑๕๏ แต่นั้น โยเธศเที้ยนคึดฮุ่ง |
เถิงเจือง |
| ฮมฮม เต็มเตินขวางคั่งคน |
ทุกด้าน |
| ปุนเปืองให้อาวพวง |
พลสว่าย |
| เฮวฮีบ ผ้ายแผ่นล้านเถิงท้าว |
ลูกจอม ฯ |
| ๙๑๖๏ เขือเญียะ ซ้ำกล่าวข้อปะกันเกิด |
กวนเฮา |
| แกวก็ ฮอมพลายมามากชู |
ชีงป้าน |
| ใครจัก บันเทาแท้ทรวงลุง |
สะสว่าง |
| ให้ท่าน คึดอ่อนอั้วแพงล้าน |
เมื่อแคลน แด่เนอ ฯ |
| ๙๑๗๏ ผิบ่ มาท่อนท้าวเปนช่าง |
เสียสินคอบแล้ว |
| รือจัก ยอแมนฮุบฮาบชู |
เชียงล้าน |
| ทังว่า ขืนแขงเบื้องแองกา |
เพราะฮุ่ง หลานดาย |
| อันจัก ต้านตอบข้อเชิญเจ้า |
บ่กว่าเขือ ฯ |
| ๙๑๘๏ แต่นั้น พู่งๆเมี้ยนประดับหาบ |
เฮียงถัน |
| ยอมือ ทูลเหนือหัวค่อยคง |
คองข้อย |
| เลยลาผู้ผลควร |
ภูวนาถ |
| คึดท่าน เจ้าติ่วสร้อยทรวงฮ้อน |
ฮ่ำคาญ ฯ |
| ๙๑๙๏ แต่นั้น ขึ้นขี่ม้าผายผาด |
ไปเปือง |
| ฮวานๆสูรย์ส่องพะโยม |
ยังเช้า |
| คนิงเมืองชั้นเชียงหลัง |
เหลียวผ่อ |
| แม้งนึ่ง เข้าป่าไม้เมือง่อน |
ภูเมิน ฯ |
| ๙๒๐๏ ดีแก่ สานป่งสร้อยช้องช่อ |
แคมภู พุ้นเยอ |
| เดินดงดันไผ่พาง |
ฮิมห้วย |
| เลงเห็น ชะลอนพร้อมฮังฮวน |
เฮืองดอก |
| วันวิ่งส้อยสูนไม้ |
เมื่อแลง ฯ |
| ๙๒๑๏ ดีแก่ นกฮอกฮ้องชมคู่ |
พึงคณา |
| กลอยแฮงนับอ่านคราว |
หลายมื้อ |
| เขียวทางเท้าผาหลวง |
ห้วยตาด |
| แม้งนึ่ง เถิงที่กว้านออระทื้อ |
ฮ่มเพียง ฯ |
| ๙๒๒๏ ซวาดๆน้ำไหลแว่ง |
คุบคอน |
| สองนายเฮียงจอดเกย |
ลงม้า |
| คอนๆคุ้มใจจง |
ภูวนาถ เฮวพุ้น |
| ค้ายไพร่ฟ้าชมพร้อม |
พร่ำกัน กี่แล้ว ฯ |
| ๙๒๓๏ เมื่อนั้น พระบาทเบื้องท้าวฮุ่ง |
เจืองหาญ |
| ประสงค์ใสสันลูกเม็ง |
มัวต้าน |
| ดีแก่ พระพายพานฝ้าแฝงภู |
ทะล่วน พุ้นเยอ |
| ประดับเลียบล้านเลียนพร้อม |
พ่องไหล ฯ |
| ๙๒๔๏ พอเมื่อ ฮว่านๆฟ้าฮ้องฮ่ำ |
ฮวายเสียง |
| ทุกไทชมชื่นระดู |
เดือนตั้ง |
| ดีแก่ ลมเผลียงไม้ใบปลิว |
เปลื้องฮ่วง |
| พะโยมเมฆกั้งตาวันไว้ |
เมื่อหนาว ฯ |
| ๙๒๕๏ ผ่อเห็น ไฟล่วงแผ้วเผาป่า |
ปลงวอน พุ้นเยอ |
| สวาๆ เสียงคีรีเฮ่งแฮง |
ฮันก้อง |
| ออระชอนช้ายเดือนดน |
ดับถ่าย |
| ตาเวาฮ่ำฮ้องไทท้วง |
เฮียกขวัญ ฯ |
| ๙๒๖๏ เล็งฝ่ายฟ้าเส้าฮูป |
ราหู |
| วายันโยงเบิกตาล |
ตีนบ้าน |
| ชะบุเนื้อบาเจือง |
จงพี่ |
| พอเมื่อ สูรย์ล่วงล้านลงล้ำ |
เลี่ยมเขา ฯ |
| ๙๒๗๏ เจ้ายี่คุ้มวอนมาก |
มัวกระสัน |
| ยินเหงาทวนทอดตน |
เตงผ้า |
| เบ่าว่า บุญกันแก้วกัมจริง |
จักคลาด สันนี้ |
| วิบาก ตั้งแต่ฟ้าเวรใช้ |
ส่งสนอง ฯ |
| ๙๒๘๏ ท้าวฮุ่งฮ้อนรัตนาสน์ |
นงวอน |
| ชะบองบาแจ่มเจือง |
จงชู้ |
| เมิลเหน ฮอนๆเหลื้อมวีคาง |
คุบคู่ |
| คำฮู่งผู้แพงล้าน |
พี่ตน ฯ |
| ๙๒๙๏ ปานนี้ ชะพู่เนื้อนงถ่าว |
กูหลับ ไป่เด |
| ใผจัก ผายบันเทาแห่งทรวง |
เฮียมฮ้อน ได้ซาม |
| ดูดั่ง สันเทเฮ้าฮมบา |
เปลื้องแปลบ |
| มโนนาถข้อนจงชู้ |
ใช่ประมาณ ฯ |
| ๙๓๐๏ เยื้อนแนบนิ้วเนาเน่ง |
นิทธา |
| ดีแก่ ลมเชยพัดยอดตาล |
กวนก้อง |
| ลอนว่า ไสยาเที้ยนทนแด |
ดอมพี่ กูพุ้น |
| มือลูบซ้องชมไว้ |
พ่างหมอน ฯ |
| ๙๓๑๏ แต่นั้น แวนถ่อยฮ้อนพ้นที่ |
อัศจรรย์ |
| บาคราญนอนเสื่อเพียง |
พลอยค้ำ |
| ฝันว่า ไกวกงเยื้องยอยิง |
ผาแอ่น |
| ปืนป่ายปล้ำเดิมล้าน |
ล่วงพัง ฯ |
| ๙๓๒๏ ฝันว่า ขึ้นแท่นแก้วหอราช |
มุนเทียร |
| กางระกังม่านลาย |
เลียนผ้า |
| ฝันว่า มือถุยไส้เวียนเวียง |
เจ็ดฮอบ |
| เห็นดั่ง ดาวหยาดฟ้าคืนเข้า |
เฮื่อทรวง ฯ |
| ๙๓๓๏ ฝันว่า เบื้องขอบชั้นจตุโลก |
เปนเมือง |
| เทพา ทังพรหมสวางส่งพร |
อันแก้ว |
| ฝันว่า ดาวเฮืองแจ้งจักรวาล |
แวนประเสริฐ |
| ขุกตื่นแล้วทรวงคร้าม |
เยือกกลัว ฯ |
| ๙๓๔๏ ผู่ก่งท้าวทรงเลิก |
นาคอง |
| ผายแครงบัวออกมา |
เกยแก้ว |
| ชะบองเนื้อนัวระสี |
เสลียวคาด |
| เมี้ยนสว่ายหน้าสรงแล้ว |
ลวดจา ฯ |
| ๙๓๕๏ คืนนี้ค้ำไสยาสน์ |
ยามฝัน |
| ฮอยว่า เทพาเพงเพื่อบุญ |
ดีฮ้าย |
| อัศจรรย์แท้เห็นกล |
การหลาก |
| ท้าวบอกแจ้งขาอ้าย |
คว่างพาย ฯ |
| ๙๓๖๏ เขาก็ นบนาถแล้วขานพากย์ |
ภูธร |
| จาคำงามค่อยถวาย |
สนองเจ้า |
| อันนี้เปนดั่ง บิดรไท้สุธน |
ธิราช วันนั้น |
| ให้ลูก เข้าต่อช้างชนฮาบ |
สมคาม ฯ |
| ๙๓๗๏ พ่อท่าน ฝันปาดไส้ถุยออก |
เวียนเวียง |
| โจรฮังเฮวฮีบขาม |
ขอซ้อง |
| บุญบาเกื้อหลายเชียง |
ชมอ่อน จิงแล้ว |
| อันว่า ปืนป่ายต้องเติมล้าน |
ล่วงพัง ดั่งนั้น ฯ |
| ๙๓๘๏ เจ้าจัก ได้ท่อนท้าวมหาลาภ |
ชู่เมือง |
| ภายหลังผางบ่จา |
จงสร้าง |
| อันว่า ดาวเฮืองเข้าอุทัย |
ทรวงเฮื่อ |
| เจ้าจัก ได้ติ่วช้างสารต้น |
เพื่อนพล ฯ |
| ๙๓๙๏ ยศยิ่งเท้าฟ้าเพื่อ |
ชุมพู |
| ฮอยที่ เทพาคูนแผ่ผล |
ผายกว้าง |
| เมื่อนั้น ชะบุเนื้อเรงโญ |
ชมชื่น |
| แม่แต่งห้างพลีแล้ว |
ชู่ประการ ฯ |
| ๙๔๐๏ ฮื่นๆเที้ยนฝูงพวก |
มุนนาย |
| ดาไหแคฮีบพาน |
เพงน้ำ |
| ลำๆท้าวทวายปาน |
เปื้องแกว่ง |
| พ่อพรากเมี้ยนเมือด้ำ |
ช่อยระวังลูกเนอ ฯ |
| ๙๔๑๏ บัดนี้ ลูกอยู่ไฮ้หนแห่ง |
นาคอง พ่อเออ |
| เงินคำยังย่อมไป |
เปนเข้า |
| ลอนว่า พองความต้านโสมงาม |
ง้อมม่วน |
| ป้าขาดเกล้าสินสร้อย |
ซวาดแฮง ฯ |
| ๙๔๒๏ พ่อบ่ คึดช่อยฮู้ฮอยส่วน |
แควนตาย แลซาม |
| รือจัก เอาแพงศรีสู่เฮือน |
เฮียงหน้า |
| เจียมแต่ จอมวายไว้ตูพลอย |
พร้อมเพื่อน |
| นับว่า เลี้ยงก่ำพร้าทังไฮ้ |
ไป่ขวาง ฯ |
| ๙๔๓๏ เลื่อนๆน้ำเพงแพ่ง |
ไหงาม |
| วางปานปุนปู่อาว |
กินพร้อม |
| ฝูงครัวย้ายชามลาย |
เลียนแจก |
| ชะพาดพร้อมฝูงเหง้า |
แต่งตอม ฯ |
| ๙๔๔๏ ออระแนกเนื้อมือแม่ |
หยุบวาง |
| ฮอมความเถิงเผ่าผี |
ฝูงด้ำ |
| บัดนี้ บุญบางเบื้องเฮือนครอง |
คางยาก |
| สูอยู่ฟ้าคูนค้ำ |
ช่อยระวัง แด่เนอ ฯ |
| ๙๔๕๏ เจ้าฮุ่งท้าวฝันหลาก |
หลายประการ |
| ไสยายังเยือกกลัว |
กลอยย้าน |
| ถามเถิงพร้อมพลหาญ |
อ้ายคว่าง |
| เขาว่าเคืองจัก ม้างท่านได้คำล้าน |
มอบเนือง ว่าอัน ฯ |
| ๙๔๖๏ เหมือนดั่ง ฝูงต่างท้าวทวนเฮียก |
สาธุการ |
| ตูก็ ปุนเปืองแปลงเครื่องงาม |
พลีเข้า |
| วานทัง เทพาพุ้นแสนสวาง |
เสื้อป่า มากิน |
| คุ้มยี่เจ้าเฮือนไฮ้ |
ลูกจอม แด่เนอ ฯ |
| ๙๔๗๏ เมี้ยนอย่าแล้วน้ำหล่อ |
วางสลา |
| ลุงอาวตอมคู่คน |
แควนหน้า |
| โยธาเที้ยนทุกแถว |
ถอยพราก |
| ค้ายส่ำข้าเทแล้ว |
เลิกสถาน ฯ |
| ๙๔๘๏ เมื่อนั้น อ้ายคว่างต้านท้าวปาก |
ปุนเสียง |
| ขอว่า สมภารเพ็งดั่งใจ |
ตูข้า |
| เลงเหน สะเบยเบื้องหัวเชียง |
ชั้นท่ง พุ้นเยอ |
| ดูดั่ง ขุนขี่ม้าพลพร้อม |
พร่ำหลาย ฯ |
| ๙๔๙๏ ผู่ก่งท่าวใช้ลอบ |
ลักถาม |
| มันก็ ผายเชิงเลยล่วงไป |
ปุนต้าน |
| เขาว่า สมคามเกี้ยวเงินยาง |
ยุคราช เฮวพุ้น |
| เบื้องท่านเจ้าเมืองล้าน |
ล่วงทัน ฯ |
| ๙๕๐๏ แต่นั้น ขึ้นคอบท้าวนบนาถ |
เร็งญา |
| ในโฮงนันกล่าวหาญ |
หุมสู้ |
| คือว่า ปรารถนาได้โดยใจ |
จงใฝ่ แท้แล้ว |
| บัดนี้ เจ้าอยู่บ้านชมชู้ |
ย่อมแควน ฯ |
| ๙๕๑๏ แม้งนึ่ง ไญ่ไญ่ม้าพับจอด |
จำเวียง |
| วางของปลงหาบมวล |
เมือกว้าน |
| เขาก็ เฮียงคนใช้หานาย |
นำฮีบ |
| ลุงท่านเจ้าเมืองล้าน |
เฮ่งคดี ฯ |
| ๙๕๒๏ เมี้ยนถีบถ้อยเถิงอ่อน |
แองคอน |
| มันก็เฮวความ ทูลบาศรีลูกจอม |
ใจห้าว |
| บัดนี้ บรพารพุ้นภายลุง |
แมนยาด |
| เจ้าหมื่นม้าวใช้ด่วน |
โดยชะกัน ฯ |
| ๙๕๓๏ ชะพ่มพร้อมอามาตย์ |
มามวล |
| เหงพันทังคว่างพาย |
พลพ้อง |
| มึงเญียะ ไปทวนให้มาโฮง |
เฮวด่วน จิงเถิ้น |
| มันก็ ลุกพรากห้องเถิงกว้าน |
กล่าวกลอน ฯ |
| ๙๕๔๏ ทะล่วนล้ำพวงสว่าย |
ดาของ |
| แองคอนอวนแขกนำ |
นายท้าว |
| แปงคองเมี้ยนมวลปุน |
ปูสาด |
| ประดับหอกง้าวงามห้าง |
แห่แหน ฯ |
| ๙๕๕๏ ชะพาดพร้อมเถิงที่ |
เตินขวาง |
| ดากัน ปลงเงินคำค่าแสน |
สมแก้ว |
| นายพวงเท้าทันกลาง |
เมี้ยนนั่ง |
| นบบาทไท้ทูลแล้ว |
คู่คน ฯ |
| ๙๕๖๏ ญั่งๆตั้งถวายเครื่อง |
บันนาการ |
| ญนๆ ยอแพรจีนแจกกอง |
ทังผ้า |
| นับท่อ พีทูรแก้วหัวดาย |
ฮ้อยลูก |
| ท้าวซึ่ม เจ้าลุ่มฟ้าปุนเต้า |
แต่เบา ฯ |
| ๙๕๗๏ แหวนผูกแล้วล้วนค่า |
ควรเมือง |
| ถวงเถาวัลย์คาดคำ |
เคียนหมั้น |
| เฮืองๆเหลื้อมคือแสง |
สุริเยศ |
| ประดับชู่ชั้นเลียนแล้ว |
กล่าวกลอน ฯ |
| ๙๕๘๏ มันจิ่ง ทูลเกศไหว้พระบาท |
บังคม |
| ภูธรทรงชอบหัว |
หุมต้าน |
| สองนายพร้อมประนมมือ |
ทูลท่าน |
| ลุงซึ่ม เจ้าแผ่นล้านถามข่าว |
นัดดา ฯ |
| ๙๕๙๏ ผู่ผ่านท้าวทวนฮีบ |
ฮับขาน |
| วันมาลุงออกเฮา |
ฮมฮ้อน ฮู้รือ |
| ยังเบ่า มีคำไข้การใด |
โพยพยาธิ์ เถิงนั้น |
| เท่าว่า เสิกทุ่มข้อนเชียงล้าน |
ล่วงมัว ฯ |
| ๙๖๐๏ ขาก็ ใช้พากย์ไท้ทูลบาท |
บาศรี |
| ท่อว่า กลัววายเสียไพร่เมือง |
มวลข้อย |
| สิงญีเกี้ยวเงินยาง |
ยุคราช |
| ลุงท่าน เจ้าติ่วสร้อยเชิญข้า |
พร่ำกอง ฯ |
| ๙๖๑๏ นับท่อ ด้ำดาบค้านคุงเยี่ยม |
พอแพ |
| ยังเล่า นองมุนมาดั่งซาย |
ไหลข้อน |
| แองกาพร้อมกวานแก |
อ้ายก่ำ |
| ฝูงนั้น พลพวกพร้อมพันช้าง |
ซู่เมือง ฯ |
| ๙๖๒๏ ชื่อจัก นับฮ่ำให้ถ้วนหมู่ |
เหมือนหนา นักแล้ว |
| บัดนี้ การแคนเคืองคั่งลุง |
เสมอก้าง |
| เท่าว่า จงใจถ้าบาไท |
ทวนฮาบ เขาดาย |
| เขือเญียะ มวลมอบซ้ำนครกว้าง |
ช่างหลาน ฯ |
| ๙๖๓๏ ลุงพร่ำ หอมลาภล้นยังยิ่ง |
ทุกพญา |
| แกวก็ ชมผานคึดใคร่ชู |
ชีงอั้ว |
| โสมพราวเพี้ยงพรหมตา |
ไตรโลก |
| เทิงว่า เสิกบ่มั้วเมืองล้าน |
เพื่องาม ฯ |
| ๙๖๔๏ ลุงว่า ไว้แห่งท้าวมนุสโลก |
ญูปุน |
| พอที่ ทวนสมคามใคร่ใจ |
จงให้ |
| บัดนี้ อาฮมฮ้อนฮุนแฮง |
หิวโหด นักแล้ว |
| ไทซ่า ใต้ลุ่มฟ้าทังโลก |
รือหลาน ฯ |
| ๙๖๕๏ ครันว่า ปลดโทษแล้วสะสว่าง |
เสวยฮมเมื่อใด |
| เฮาจัก เวนบรพารพวกพล |
ทังอั้ว |
| บัดนี้ โยธาซ้ำเชิญพล |
พักเพิ่ง พี้ดาย |
| ลุงท่าน ให้ตื่มฮั้วฮิงต้าย |
เขื่อนแขง ฯ |
| ๙๖๖๏ ท่อว่าคึดฮู่ง ผู่แห่งเหง้าดูเกิ่ง |
สองตาออกแล้ว |
| เขาก็ มวลแพนแดงดาดเวียง |
วังล้อม |
| ไหไหล้นนาหลวง |
เหลือท่ง |
| โสมฮาบอั้วคีงค้อม |
อ่อนอาม ฯ |
| ๙๖๗๏ คึดก่งท้าวผู่เผ่า |
พงศ์กะกุล |
| มีฮ่างว่าจัก ยอสมคามฮาบเฮา |
เปนข้อย รือท่าน |
| เหมือนบ่ ปุนใจพ้องภายลุง |
ละพี่ เสียรือ |
| อั้วค่า เจ้าติ่วสร้อยชมต้าน |
ค่ำวัน ฯ |
| ๙๖๘๏ เมื่อนั้น ผู่ที่ต้นตรัสฮีบ |
ฮับถาม |
| โยธา ทังเหงพันพวกพล |
ภายท้าว นั้นเด |
| เคืองจัก แขงนครขว้างสมคาม |
คูนออก ได้รือ |
| กลัวว่าพลท่าน เจ้าหมื่นม้าวเทม้าง |
เมื่อลุน ฮู้เด ฯ |
| ๙๖๙๏ ฝูงไพร่ถ้องแถวนอก |
เงินยาง นั้นเด |
| เยียวท่อ ทวนใจเจียนแจกสูน |
สองล้ำ |
| กลัวท่อ พลบางเบื้องภายเฮา |
ฮามหอด ฮู้เด |
| เจ้ากล่าวซ้ำถามแจ้ง |
คู่ครอง ฯ |
| ๙๗๐๏ ขาก็ คึดฮอดฮู้ฮับพากย์ |
ภูธร |
| เขาเบ่า พองใจจักโลภลืม |
คุณท้าว |
| ยังค่อย แขงนครถ้าบาไท |
ทุกหมู่ |
| ค้ายแต่ด้าวเชียงล้าน |
ไพร่พล ฯ |
| ๙๗๑๏ ปานนี้ ป้าอยู่ห้องคึดคั่ง |
คนิงหลาน มากแล้ว |
| แมนก็ ชมชนพลายฮาบชู |
ชิงเข้า |
| กงแต่ ภูมิ์สถานถ้องเงินยาง |
ยุคราช |
| เชิญชอบใช้จันทร์เจ้า |
ช่อยแขง ฯ |
| ๙๗๒๏ เขาก็ ผัดยาดอั้วเอาอ่อน |
สองศรี |
| ลุงก็ ชมแพงดูเกิ่งเมือง |
พันพ้อง |
| แกวก็ แปรแปลงตั้งเตินคดี |
เอาส่วย |
| ลอนว่า เวนพี่น้องนงท้าว |
เกิ่งตน ฯ |
| ๙๗๓๏ เจ้าอย่า สู้ป่วยสร้างพระมิ่ง |
ไมตรี |
| ตูจัก เอาพล เมือเมืองหลังบ่จา |
จงปล้น |
| ดั่งนั้นลุงเล่า พาทีแท้ลวงโลม |
ฮู้ชอบ |
| เยียวว่า เสิกทุ่มล้นเฮาพี้ |
บ่ทัน ฯ |
| ๙๗๔๏ เมื่อนั้น ท้าวขอบข้อขานออก |
ปิปาย |
| โฮงหลวงนันคั่งคน |
ทุกห้อง |
| ยองายเมี้ยนมวลแถว |
ถอยเลิก |
| จีนแจกซ้องพานเข้า |
เฮียบแกง ฯ |
| ๙๗๕๏ ชะเพิกพร้อมฝูงไพร่ |
เงินยาง |
| แองคอนกลอยกล่าวพวง |
ขาพ้น |
| ฮมๆเมี้ยนปุนทาง |
ไทแขก |
| ข้าท่านท้าวธรรม์ต้น |
แต่งตอม ฯ |
| ๙๗๖๏ ทุกที่เที้ยนยอแจก |
สาลี |
| ฮอมความเชิญชู่ควาง |
คราวฟ้า |
| ฝูงผีเชื้อแดนดิน |
ชั้นปู่ มากิน |
| ลุงท่านค้ำพลถ้า |
อยู่คอง ฯ |
| ๙๗๗๏ เสิกทุ่มล้นเพงราช |
เงินยาง |
| ตูมา เวนนครหลวงช่างหลาน |
เปนเจ้า |
| ทุกภายเมี้ยนยอวาง |
ไว้อย่า |
| กินฮีบฮื้อเทเข้า |
เลิกพาน ฯ |
| ๙๗๘๏ ชะพาดตั้งขันหมาก |
ทะไลคำ |
| บาคราญเตินแต่งแค |
เพงน้ำ |
| ลุงก็ ยำแยงใช้สองนาย |
เชิญช่อย |
| เฮาจัก ป้ำชะค้อมไปต้อง |
ต่อท่าน ฯ |
| ๙๗๙๏ ออระม่อยหน้าท้าวฮุ่ง |
ฮวายจัน |
| ประสงค์ความหาญฮ่อลุง |
ทังป้า |
| เมื่อนั้น วันเฮืองฮ้อนไสแสง |
มนุสราช |
| คอนบอกเบื้องแขก เจ้าลุ่มฟ้าฟายแกว่ง |
ฮางเพียง ฯ |
| ๙๘๐๏ ซวาดๆน้ำล้นเลือก |
ไหงาม |
| ปุนเสียงเถิงเผ่าผี |
ฝูงเชื้อ |
| คูนหลานม้างสมคาม |
คราวใหญ่ ปางนี้ |
| เสิกทุ่มเฮื้อเชียงล้าน |
ล่วงลุง ท่านพุ้น ฯ |
| ๙๘๑๏ ภูไชยท้าวใช้ฮีบ |
ทวนทัน |
| ตูจัก เขียวภูสูงหลิ่งหิน |
เหวห้วย |
| บัดนี้ เงินยางฮ้อนคือควัน |
ฮมลวาก |
| สูเญียะ ซ้ำช่อยข้าแมนม้วย |
ตุ่มตาย แด่เนอ ฯ |
| ๙๘๒๏ พอเมื่อ เจ้าจากพี้คุณมิ่ง |
มารดา |
| โพยอันตรายอย่าเลย |
ลอนต้อง |
| ครันว่า ยอตาวชี้แมนเลียน |
เลยอ่อน |
| ทุกที่เที้ยนยอย้อง |
ทั่วแดน ฯ |
| ๙๘๓๏ เถิงท่อนท้าวเมืองใหญ่ |
เงินยาง เมื่อใด |
| คุณฝูง ก็แพนลายสอดยอ |
ยาช้า |
| ไสสันถ้อยสองนาง |
นงถ่าว |
| ลุงท่าน เจ้าลุ่มฟ้าเวนไว้ |
ว่าเสถียร ฯ |
| ๙๘๔๏ ค่าวๆเปื้องปานแกว่ง |
ไกววาง |
| ปุนพอเจียรบ่าวชาว |
เชิญเข้า |
| แม้งนึ่ง สุระพางฮ้อนวาตา |
เฮืองราช |
| ข้าท่านเจ้าทองล้าน |
ลวดแหน ฯ |
| ๙๘๕๏ นบนาถแล้วเลยแพ่ง |
ตักตวง |
| ญนๆ ยอพีทายเที่ยนอัน |
เอาได้? |
| เขาพวงพร้อมพอเมา |
เมี้ยนสั่ง |
| แก้วแก่นไท้ขานแขก |
แขงาม ฯ |
| ๙๘๖๏ ชะพั่งพร้อมยกย่าง |
เลยลา |
| ฮวานๆสูรย์ส่องดอย |
ดูค้อย |
| เมื่อนั้นเจืองก็ จงเถิงแก้วศรีเสลียว |
ง้อมม่วน |
| รือจักละพี่ เจ้าติ่วสร้อยใจแจ้ง |
จากไป ได้เด ฯ |
| ๙๘๗๏ ขวบเมื่อ ฮว่านๆฟ้าฮ้องฮ่ำ |
เดือนสามพุ้นเยอ |
| ทุกไทชมเฮียกขวัญ |
มาห้อง |
| คึดที่ ฮามเฮียมฮ้อนหัทยัง |
ยินโศก |
| มือลูบซ้องชมไว้ |
พ่างหมอน ฯ |
| ๙๘๘๏ เมื่อนั้นอ้ายคว่าง ฮู้พากย์ถ้อยคดีโลก |
โลมหลาน |
| ชื่อบ่ เฮือนครองลอนล่วงไป |
ปุนห้าม |
| บัดนี้เฮาก็ หอมหาญไว้เงินคำ |
ซ้ำจ่าย ถ้วนแล้ว |
| เพิงที่ เข้าเถื่อนไม้ทานช้าง |
ช่อยลุง ชอบดาย ฯ |
| ๙๘๙๏ พอเมื่อ ฮบฮาบแพ้ท้าวกว่า |
กวานแก เมื่อใด |
| คือว่า สวางจูงบุญคอบนาง |
นงหน้า |
| ลอนว่า มัวใจดั้งเฮือนหลัง |
ไฮ้มาก |
| เคียดที่ ป้าตอกต้านแขงเข้ม |
บ่ยำ ฯ |
| ๙๙๐๏ ตัดค่าซ้อยเก้าปาก |
ปุนแขง |
| เงินคำหนักเกิ่งตน |
เอาอ้าง |
| เต็มว่า เปลืองแฮงใช้วอนเมง |
มีหย่อน ดั่งนั้น |
| แหนงว่า เข้าต่อช้างลางแล้ว |
เพื่อครอง ฯ |
| ๙๙๑๏ ชะช่อนหน้าท้าวฮุ่ง |
ยินกระสัน |
| เงินทองทักท่อเฮา |
แฮงฮู้ |
| มีดั่ง อันอาวต้านเตินหลาน |
ให้สว่าง จิงแล้ว |
| ท่อว่า คึดเคียดดั้งกระสันชู้ |
ใคร่ตาย ฯ |
| ๙๙๒๏ กาก่องท้าวทรงแท่น |
ทวนคดี |
| แองคอนผายกล่าวกลอน |
กลอยถ้อย |
| ดูที่ บุญมีเมี้ยนสมคาม |
พ้นขนาด |
| ลุงท่าน เจ้าติ่วสร้อยใจแจ้ง |
ห่อนพาง เมื่อใด ฯ |
| ๙๙๓๏ ผัดว่าไว้เวนราช |
รมยา |
| เงินยางญูยี่ปุน |
เปนเจ้า |
| ดั่งนั้น เฮาดาได้สินคราญ |
สร้อยชั่ง |
| เต้ากล่าวป้าปุนให้ |
เบ่าอาย ฯ |
| ๙๙๔๏ เจ้ายี่ค้อยคึดคั่ง |
คาแคน |
| เหงพันทังคว่างพาย |
หุมสู้ |
| มาเฮา เตินแพนข้ามดงขวาง |
คราวเค่ง เฮวเถิ้น |
| ลอนว่า เจ้าอยู่บ้านชมชู้ |
แต่ขวัญ ฯ |
| ๙๙๕๏ คึดที่แท้ฮ้อนเฮ่ง |
ฮมใจ |
| แหนงค่อย ทำชะกันกางเกิบแฮง |
ฮุมค้าน |
| เพิงที่ วางศรีสร้อยใสสัน |
ง้อมม่วน |
| ละพี่เจ้าสินล้าน |
อยู่เย็น ก่อนถ้อน ฯ |
| ๙๙๖๏ เฮวฮีบฮ้อนโดยด่วน |
ดอมการ |
| ฮอยว่า เวรจำเปนป่วยปาง |
ชมชู้ |
| เมื่อนั้น บาคราญคุ้มใจจง |
กระสันแสบ |
| คึดฮู่งผู้คีงค้อม |
ฮ่อยแฮง ฯ |
| ๙๙๗๏ เที่อนี้บ่ฮ่าง ได้แนบเนื้อนงถ่าว |
เฮียงฮม แลนอ |
| เต็มว่า สองแพงพลัดไพร่ดาย |
ดูข้อง |
| บาก็ เต็งสารสร้อยสมกลอน |
กลอยพากย์ |
| อันนี้ คือคู่เนื้อตนน้อง |
เพื่อนเพลาพี่แล้ว ฯ |
| ๙๙๘๏ ฝืนฝากชู้ประชิดพ่าง |
พิงสมร |
| ยามเมื่อ ยินกระสันอวนอั่งองค์ |
เอาเกื้อ |
| ดั่งนั้น ฮามฮมฮ้อนกระหายวอน |
แวนสว่าง |
| เบื้องฝ่ายน้องแฮมเฮื้อ |
หอดทรวง ฯ |
| ๙๙๙๏ สารนี้ แหนฮ่างให้ฮู้ที่ |
คำแคน ก่อนเถิ้น |
| บัดนี้ อาการหลวงเกีบกวน |
เชียงล้าน |
| แกวมวลช้างแสนสาร |
แสฮอด ลุงพุ้น |
| สุดที่ป้านพลตื้อ |
ติ่วแฮง ฯ |
| ๑๐๐๐๏ ป้าหอดไห้หิวฮู่ง |
เถิงเฮา พี้ดาย |
| มีวัน วางแลงงายบ่กิน |
กลอยกลั้น |
| เลยลวด เททรวงฮ้อนฮมเหงา |
คึดคั่ง |
| เฮวฮีบชั้นเชิญน้อง |
ช่อยพล ฯ |
