| ๓๙๐๑๏ ขึ้นสู่กว้านพิเศษ |
เสาเดียว |
| แมนกอหาล่ามเมือง |
ขวาซ้าย |
| พังคำต้านอันแหน |
การใหญ่ |
| ค้ายลุ่มฟ้าเมืองฮ่วน |
เปนมัว ฯ |
| ๓๙๐๒๏ สองใคร่ถ้อยเถิงท่าน |
เทวดา |
| ผนผนคับคั่งโฮง |
แถมตื้อ |
| แปลคำต้านทุกอัน |
ถามถี่ |
| มาฮอดฟ้ายินเจ้า |
ชู่ประการ ฯ |
| ๓๙๐๓๏ เฮาเอียกถ้อยเถิงท่าน |
เทวดา |
| เชิญขาเมือสูเวิง |
เกยกว้าง ฯ |
| ๓๙๐๔๏ ย้ายย่างขึ้นเมือฮอด |
เถิงสถาน |
| ญนญนปูสาดลาย |
เลียนถ้า |
| สองนายขึ้นเมือเกย |
แล้วนั่ง |
| ถวายพากย์ เจ้าแผ่นฟ้าฮมฮู้ |
ฮ่างแมน ฯ |
| ๓๙๐๕๏ ไขเงื่อนถ้อยประดับไส่ |
สารมา |
| ถามข่าว พรหมพิมานอยู่ดี |
รือเจ้า |
| เก็งญาเหง้าแพงเมือง |
ง้อมมาศ |
| ฟ้าฮ่วนผู้ธรรม์เหง้า |
กล่าวมา ฯ |
| ๓๙๐๖๏ ของฝากล้นคำแจก |
จูมลาย |
| แถนลอถามสิ่งใด |
มาเต้า |
| ขาจิ่ง ถวายคดีให้แถนลอ |
ฮู้ฮ่าง |
| ท้าวฮุ่ง ผู่แห่งเหง้ามาล่วง |
ตูมวาง ฯ |
| ๓๙๐๗๏ ค่างค่างช้างลาวถ่าว |
นับแสน |
| ลวางามเขาแวดเวียง |
วังล้อม |
| ตูก็ ดาพลกลั้วเกากัน |
ดูมาก |
| หลานท่านหม้อมยินฮ้าย |
อยู่วอน ฯ |
| ๓๙๐๘๏ คึดเมื่อ ท้าวด่วนล้มลดชั่ว |
เมือพรหม |
| ยังท่อ ญิงเดียวหอมสืบสาย |
ยังน้อย |
| เขาก็ ดูแควนหม้อมทุกอัน |
มีมาก |
| ขอแก่เจ้าลงพร้อม |
ช่อยพล ฯ |
| ๓๙๐๙๏ พระบาทเจ้าล้านโลก |
แถนลอ |
| ธรรม์ยำ กินกาหลงอยู่เกษม |
ญูสร้าง |
| ทุกไทพร้อมขุนแถน |
เลยกล่าว |
| วอนพระน้าวใจแจ้ง |
ช่อยพล ฯ |
| ๓๙๑๐๏ ค่าวค่าวหน้าแมนเล่า |
คำคดี |
| เจืองหาญ กือพลมากล่าวเอา |
เปนข้อย |
| ธรรม์ยำไท้เชิญแถน |
ลงช่อย |
| เวนหมู่ช้างสินล้าน |
อีกนาง ฯ |
| ๓๙๑๑๏ ออระม่อยหน้านงถ่าว |
แถนวี |
| มันก็ ขานคำตรงหมู่แถน |
ธรรม์เหง้า |
| มันก็ ยินดีสู้ชนพลาย |
พร้อมฮ่วน |
| เจ้าหมื่นม้าวขานข้อ |
ขอบใจ ฯ |
| ๓๙๑๒๏ เฮาจัก ลงช่อยช้างฟ้าฮ่วน |
ทางไกล |
| สามแถน ปลงอาหารสู่เขา |
ชาวฟ้า |
| ชะลอนตั้งโถนคำ |
ดูอาช |
| เฮียงซ่องหน้าฝูงท้าว |
ลูกแถน ฯ |
| ๓๙๑๓๏ คุบพาทค้องกะสิงเสพ |
สวนไล |
| ญนญน ยอเทียนคำชู่อัน |
เอาไต้ |
| ขุนนายม้วนเลยไล |
แล้วอย่า |
| จันทร์ส่องแจ้งคลาค้าย |
ค่ำจวน ฯ |
| ๓๙๑๔๏ ทุกปากพร้อมเนาเน่ง |
นิทธา |
| ดีแก่ ฮวานๆวันเฮื่อเฮือง |
ในฟ้า |
| เขาก็ ดาพลายพร้อมแถนลอ |
ล้านเครื่อง |
| เปนดั่ง ฟ้าเฟื่องฟื้นเถิงถ้วน |
ชู่ภาย ฯ |
| ๓๙๑๕๏ ชู่ปากพร้อมขันฮ่อ |
ฮบจือง |
| ทังหลายไหลหลั่งเมือ |
โฮมเจ้า |
| ดูเฮืองเหน้าในเฮือน |
หลายหมู่ |
| แถนย่างขึ้นไปอาบ |
มาสถาน ฯ |
| ๓๙๑๖๏ ชาดชาดน้ำนิ้วสว่าย |
วางลง |
| ศรีคราญถอยสว่ายมือ |
เช็ดหน้า ฯ |
| ๓๙๑๗๏ แถนเล่า ให้บอกเหล้าไหใหญ่ |
ปักกำ |
| พันไหเฮืองฮอดดี |
ทุกก้ำ |
| ธรรม์ยำสร้างกาหลง |
ฟ้าต่อ |
| บอกแก่ เจ้าโลกกว้างฟายแกว่ง |
ฮางเพียง ฯ |
| ๓๙๑๘๏ เสื้อปากชั้นเมืองงึ่ม |
กาหลง มากิน |
| ตูจัก ยอพลายฮบฮาบเจือง |
ตงค้าน |
| แถนวางแล้วบายกำ |
เนี้ยวคู่ |
| แถนชู่ด่านกินถ้วน |
พ่องเมา ฯ |
| ๓๙๑๙๏ คึ่งคึ่งก้องกลองเสพ |
สะบัดไชย |
| เสียงนันคับแผ่นควง |
คราวฟ้า ฯ |
| ๓๙๒๐๏ เสียงสนั่นกลั้วเมามี่ |
เนืองนัน |
| พอดีเลยพรากลา |
ลงห้อง |
| คนพักพร้อมนอนฝัน |
แล้วตื่น |
| ค้อนไฮ่ค้องพลตื้อ |
แต่งงาย ฯ |
| ๓๙๒๑๏ ค่างค่างห้างช้างใหญ่ |
เลยไป |
| แถนลอผายขี่เกวียน |
เลยย้าย |
| ไสวไม้เทิงภู |
เฮืองดอกพุ้นเยอ |
| นกเฮ่งฮ้องเสียงแป้ |
แปกลาง ฯ |
| ๓๙๒๒๏ แม้งนึ่ง เถิงยอดฟ้าฮอดย่าน |
คาเขียว |
| ฮวานฮวานวันเฮื่อทาง |
เที่ยวข้าม |
| คราวไกลพ้นตาวติงสา |
ควงเทพ |
| ค้อนฟาดค้องพลตื้อ |
ฮีบคราว ฯ |
| ๓๙๒๓๏ หว้ายท่งกว้างฮอดที่ |
คราวนอน |
| เสียงนันเขาเสพลอ |
ดังก้อง |
| ทุกไทพร้อมมามวล |
พร้อมแห่ |
| เสียงเสพต้องกลองฆ้อง |
คื่นเคง ฯ |
| ๓๙๒๔๏ พระบาทเจ้าล้านโลก |
แถนลอ |
| ภูธรผายจากเกวียน |
เมือห้อง |
| แมนฟองเจ้าคาเขียว |
มานอบ |
| พระบาท เจ้าแผ่นฟ้ามาพี้ |
ฮอดดีแด่รือ ฯ |
| ๓๙๒๕๏ ทุกปากตั้งของฝาก |
งัวควาย |
| มีไหแคหมื่นหาม |
มาตั้ง |
| กำคำซ้องปานเปรียว |
เปื้องแกว่ง |
| เนี้ยวพาดพร้อมฝูงท้าว |
ลูกแถน ฯ |
| ๓๙๒๖๏ ชมแซบซ้อยน้ำบั่ว |
เอาทาย |
| ในเวียงพันชู่ภาย |
กินเหล้า |
| ทังหลายพร้อมเตินกิน |
ไหว้สั่ง |
| ตนท่านเจ้าเมือแท่น |
จักนอน ฯ |
| ๓๙๒๗๏ ญั่งญั่งฟ้าสูรย์หลั่ง |
ฮวายเสียง พุ้นเยอ |
| ออระชอนเถิงชั่วยาม |
เตินตั้ง |
| เสียงนันพร้อมฝูงครัว |
ย้ายย่าง |
| ช้างใหญ่แก้ไปเช้า |
ชู่ตัว ฯ |
| ๓๙๒๘๏ ฮื่นฮื่นข้ามเมือลุ่ม |
ละเลียง |
| เนืองพลเถิงชู่ภาย |
เพียงพร้อม ฯ |
| ๓๙๒๙๏ ประเทศนั้นเขาเฮียก |
นครหลวง |
| ผาลายแมนหลากโสม |
พักพ้อย |
| ทันที่ ยางกาวนั้นสวนตาล |
กากาด |
| พลมากยั้งเซาช้าง |
ผ่อเมือง ฯ |
| ๓๙๓๐๏ เฮาจัก กลั้วดาบแพ้เจ้ายี่ |
ญูปุน |
| แต่นั้น แมนเลิงผายเล่ายอ |
แญงชี้ |
| ธรรม์ยำเจ้าแถนลอ |
หลิงถี่ |
| บ่ฮู้ กี่ตี่วเต้านากว้าง |
ผ่อผาย ฯ |
| ๓๙๓๑๏ แถนก็ พรากที่นั้นเมือฮอด |
ตุมวาง |
| แมนหลายนับหมื่นกือ |
มาต้อน |
| ทันกลางเหลื้อมหอคำ |
ควงเทศ |
| กะสิงออกฟ้อนอวนเจ้า |
สู่เมือง ฯ |
| ๓๙๓๒๏ ทันที่ ผาสาทกว้างเฮืองเฮื่อ |
มุงคำ |
| เกวียนทองเฮียงแทบเกย |
เมือห้อง |
| ศรีศราญขึ้นเมือหอ |
สรงอาบ |
| แล้วปิ่นหน้าเมือแท่น |
คำเหลือง ฯ |
| ๓๙๓๓๏ ผ่อเห็น ญาบญาบเบื้องฟ้าฮ่วน |
มางัน พุ้นเยอ |
| แถนลอผายออกโฮง |
แมนไหว้ |
| พันกองล้วนแพรคำ |
ผ้าหลาก |
| บังชู่ด้านดูเหลื้อม |
หลั่งแสง ฯ |
| ๓๙๓๔๏ เมี้ยนปากแล้วฝูงล่าม |
เลยแหน |
| นงคราญแลล่ำดู |
ทุกด้าน |
| พลแพนน้อมสาธุการ |
กองโศก |
| น้ำเญียะย้อยสองแก้ม |
ตูบตา ฯ |
| ๓๙๓๕๏ เทื่อนี้ เสิกใหญ่เต้าหลายขวบ |
ยินแคลน |
| ทังเมืองฮามไฮ่นา |
กินเข้า |
| แต่นั้น แถนลอต้านถามเถิง |
ท้าวฮุ่ง |
| มันจิ่ง เต้าล่วงช้างมาพี้ |
เมื่อใด ฯ |
| ๓๙๓๖๏ เมื่อนั้น เถ้าไส่ฟ้าคึดชอบ |
เลยขาน |
| เจืองหาญ กือพลมาฮอดเมือง |
ปีฮ้วง |
| ทังหลายขึ้นชานหลวง |
เมิลผ่อ |
| แถนจิ่งท้วงเมืองนี้ |
ว่างาม ฯ |
| ๓๙๓๗๏ สูก็ ชี้หมู่เจ้าท้าวฮุ่ง |
ทันใด |
| อาวลำ แหนคำควรช่างยอ |
แยงชี้ |
| ทันที่ ไหไหพุ้นปะคือคำ |
ท้าวฮุ่ง |
| ม้ามากแส้สามล้าน |
ลูกเจือง ฯ |
| ๓๙๓๘๏ ฮู่งค่ำ เต้าหมู่ช้างลงท่า |
ทุกวัน |
| ญนญน ยอขั้นไดทองก่ายเวียง |
ปีนขึ้น |
| ทันกลางนั้นเมืองทวาย |
วอแต่ เขาแล้ว |
| ม้ามากฮื้นฮื้นแล่น |
ระวังพล ฯ |
| ๓๙๓๙๏ เบื้องแง่ซ้ายชีวาต |
แกวทอง เขาแล้ว |
| ญนญน ยอแพนเฮืองเฮื่อนา |
แกมต้าง |
| ทันที่ ฮิมหนองพุ้นขุนทรวง |
ท้าวกิ่ง เขาแล้ว |
| ผัดกล่าวม้างตูข้อย |
บ่ยอม ฯ |
| ๓๙๔๐๏ ขานั้น ลูกมิ่งเชื้อชั้นชาติ |
นามเฮา พี้ดาย |
| เขาก็ ฝืนตนไปช่อยเจือง |
ใจกล้า |
| ทันที่ ปะคือเขียวขว้างเชียงอินทร์ |
อ้ายคว่าง เขาแล้ว |
| มันนั้น หอมส่ำข้าพลล้าน |
บ่ขาม ฯ |
| ๓๙๔๑๏ ทันที่ พ่างพ่างพุ้นจ่าซ้อน |
เมืองพา เขาแล้ว |
| มันก็ มีพลายงามหมื่นสาร |
ตัวกล้า |
| เขาก็ หลาวงาไว้ฮันตีน |
ถ้าต่อ |
| เสิกทุ่มล้นเชิญเจ้า |
ช่อยพล ฯ |
| ๓๙๔๒๏ ญึ่งญึ่งเท้าช้างฮ่อ |
ฮิมคู |
| ญนญน ยอปืนไฟคอกเวียง |
เผาค้าย |
| ทันที่ ฮิมภูพุ้นเญียคำ |
ผู้เผือก เขาแล้ว |
| ไญ่ไญ่เหลื้อมทุงซ้าย |
ช่อลม ฯ |
| ๓๙๔๓๏ มันนั้น หอมส่ำข้าฝูงขนาด |
สิบแสน |
| ฮมฮมเขากล่าวตาย |
ตางเจ้า |
| ทันที่ เวียงแปนเปื้องปะคือคำ |
ดูอาจ |
| เจ้าหมื่นม้าวใจกล้า |
เกื่อนเพง ฯ |
| ๓๙๔๔๏ เขานั้น คนขนาดเข้มแขงยิ่ง |
ใจไฟ |
| เส็งหาญกินชู่เมือง |
พันพ้อง |
| ไสวตั้งหอควร |
ตีนท่า |
| น้องท่านหม้อมยินฮ้าย |
อยู่หมอง ฯ |
| ๓๙๔๕๏ ทันที่ ซะพาดพุ้นพลมาก |
หาญพาย เขาแล้ว |
| มันก็ นองพลประดับไพร่พาง |
ถือหน้า |
| เสินเสินช้างพลายงาม |
เงยย่าง |
| ผัดกล่าว แผ้วนอกฟ้าเทได้ |
ดั่งใจ ฯ |
| ๓๙๔๖๏ ทันที่ ซะพาดนั้นอ้ายผ่อง |
แองคอน เขาแล้ว |
| ไหไห เฮืองทุงทองเลื่อนมา |
สามล้าน |
| ฝูงนั้น ตาวพอนกล้าคมขาว |
แขเผือก |
| ป้านหมูไว้ตีนช้าง |
ตาบนอง ฯ |
| ๓๙๔๗๏ ทันที่ ละเลิกพุ้นคำเครื่อง |
หลานอาว เขาแล้ว |
| เบ็งมันผายออกโฮง |
เมาบ้า |
| ตูมวางฮ้อนเปนมัว |
หยุ้งใหญ่ |
| กางเพิ่งเจ้าจอมฟ้า |
ช่อยพล ฯ |
| ๓๙๔๘๏ ทันที่ หนักเนื่องพุ้นอ้ายไค่ |
ขุนคาน |
| ทังทองสูนใช่ลือ |
คนกล้า |
| ทันที่ ผานผานเหลื้อมหอลาย |
ดูอาจ |
| ที่นั้น เวียงท่านเจ้าลุ่มฟ้า |
ล้านโลก เจืองหาญ ฯ |
| ๓๙๔๙๏ ซาดซาดช้างซำแล่น |
เงยงา |
| พานคำนอนฮ่มโฮง |
พิดานกั้ง |
| อันนี้ ลอนแหนให้ภูธร |
ฮู้ฮ่าง |
| อันจักนับพลท่าน เจ้าติ่วสร้อยลือล้ำ |
อเนกนอง |
| ๓๙๕๐๏ แต่นั้น ม่างม่างหน้าแถนใหญ่ |
หลิงดู |
| เขาก็ ยายแคเฮียงฮอดถัน |
แถมน้ำ |
| ชะบุเนื้อโสมเสลา |
ศรีคาด |
| นายสี่ล้ำปุนเหล้า |
กล่าวแถน ฯ |
| ๓๙๕๑๏ ชาดๆเบื้องฟ้าฮ่วน |
ระวังเวียง |
| แจนแจน ชาวควงบนป่าวกัน |
กินเหล้า |
| เสียงกลองค้องตูมวาง |
ดังสนั่น |
| แม้งนึ่ง วันค่ำค้อยดูล้ำ |
ค่ำจวน ฯ |
| ๓๙๕๒๏ ถักถั่นฟ้าชายช่อ |
เขียวนิล พุ้นเยอ |
| ทังเมืองพักสั่งลง |
ลาห้อง |
| เมื่อนั้น นรินทร์ท้าวแถนลอ |
ให้กล่าว |
| เขียนชู่พ้องไปเช้า |
แต่งครัว ฯ |
| ๓๙๕๓๏ ประดับเพื่อนพร้อมเดินแห่ |
แหนเวียง |
| ออระชอนเถิงเที่ยงคืน |
คักไค้ |
| กุดโตซั้นขันเนือง |
ตบปีก |
| เหมือยหยาดย้อยตองกล้วย |
เญียะวอน ฯ |
| ๓๙๕๔๏ ฮื่นฮื่นข้าเขาสาก |
เสียงนัน |
| ขอนขอนเสียงแส่งควาญ |
ลงล้าง |
| ธรรม์ยำผู้แถนลอ |
เตินป่าว |
| ค้อนไฮ่ค้องพลตื้อ |
แต่งงาย ฯ |
| ๓๙๕๕๏ ค่างค่างห้างช้างใหญ่ |
มามวล |
| แถนลอผายออกโฮง |
แมนไหว้ |
| แถนลอเมี้ยนสีฟัน |
บ้วนปาก |
| น้ำสว่ายหน้าแคลงไล้ |
ลวดงาย ฯ |
| ๓๙๕๖๏ ทุกปากท้าวฝูงหมู่ |
เลยเล็ม |
| แกงควายตอมหมื่นถัน |
กินแล้ว |
| ทังเมืองพร้อมเต็มโฮง |
ไหว้สั่ง |
| ทุกที่แผ้วเพาแล้ว |
เลิกลา ฯ |
| ๓๙๕๗๏ สะพั่งพร้อมเตินแต่ง |
ประดับดี |
| แถนเล็มเปนเขื่อนขวา |
ขนันท้าว |
| แถนวีไว้ระวังพล |
เตินแต่ง |
| เบื้องปากช้ายซาวนั้น |
ย่อมพญา ฯ |
| ๓๙๕๘๏ แพ่งแพ่งถ้าดาต่อ |
ชนเจือง |
| ยายพลแพนแทบนา |
เนืองเข้า |
| ทันกางไว้พญาเมือง |
ฟ้าฮ่วน |
| ล้านติ่วเต้าอวนช้าง |
ก่อนพล ฯ |
| ๓๙๕๙๏ ทะล่วนล้นคับท่ง |
ธรรม์ขวาง |
| ขันจัก ชูชนเจืองตอบมือ |
เอาส้วย |
| ผานๆเหลื้อมตาวพอน |
แขเผือก |
| คาดหมู่ช้างเทียมพ่าง |
ไอยรา ฯ |
| ๓๙๖๐๏ เมื่อนั้น เงือกอยู่น้ำลอยออก |
มาถาม |
| สูจักนองพล ไปทางใดดั่งดิน |
จักขว้ำ |
| แถนจิ่ง ถวายคำต้านขานเถิง |
พญานาค |
| หลานท่าน เจ้าติ่วสร้อยลงช่อย |
ตูมวาง กี่นา ฯ |
| ๓๙๖๑๏ เงือกก็ พรากที่นั้นไปบอก |
เจืองหาญ |
| ฮมฮม ชาวเงินยางตื่มกอง |
ดาข้าง |
| พานคำย้ายเฮียงเกย |
คาดเครื่อง |
| อ้ายคว่าง แส้หมู่ช้างไปตั้ง |
บ่นาน ฯ |
| ๓๙๖๒๏ เทียนส่ำข้าท้าวฮุ่ง |
ยายแพน |
| เฮาจัก กือหาญฮบฮาบชน |
ยาช้า |
| เยียวว่า แถนลอฮู้ถามคดี |
โดยแพ่ง |
| มันนี้ มักพวกพร้อมฝูงฮ้าย |
ป่วยพล ฯ |
| ๓๙๖๓๏ เยียวว่า ตั้งแต่งถ้อยตามชอบ |
คองคดี |
| ขันจัก ชูชนพลายดั่งใจ |
จงอ้าง |
| เฮาจัก ชีงลวงท้าวแถนลอ |
ให้พ่าย |
| เมื่อนั้น เจ้าติ่วสร้อยถามฮ่าง |
แถนมา ฯ |
| ๓๙๖๔๏ เขากล่าวถ้อยแหนฮ่าง |
เจืองฟัง |
| ทังหลายเมิลผ่อดู |
ดาเยี้ยม |
| ทันที่ ญั่งญั่งช้างลงมัน |
แถนเถือกเขาแล้ว |
| มีหมู่ง้าวคนซั้น |
นุ่งลาย ฯ |
| ๓๙๖๕๏ ละเลือกพุ้นท้าวใหญ่ |
แถนวี |
| นางหลายคับคั่งโฮง |
เปนเหน้า |
| มันก็ ตีพายไว้หัวแหลม |
ห้าหมื่น |
| ผัดกล่าวม้างตงแพ้ |
ใส่นา ฯ |
| ๓๙๖๖๏ ชะชื่นพุ้นเกวียนแก่ |
แถนลอ |
| ทังเลิงเล็มมาดแถน |
หลายท้าว |
| อันนี้ พอแหนให้ผลควร |
ฮู้ฮ่าง |
| อันแต่พลท่านเจ้าลือล้ำ |
อเนกนอง ฯ |
| ๓๙๖๗๏ เบื้องฝ่ายพุ้นเก้าติ่ว |
ตายืน |
| ดาแพนนองแต่เต็ม |
ยางขว้ำ |
| เขานั้น หาญเค็มกล้าฟองไฟ |
ซ้ำซวด |
| ชื่อว่า ฟ้าปั่นกั้งท้าวฮุ่ง |
ขันกวน ฯ |
| ๓๙๖๘๏ ดีก่อ ชะเพือกช้างสู้เครื่อง |
ชะลืออินทร์ |
| มวลพลายเปนหมู่หลวง |
ขวาซ้าย |
| ชะพู่พร้อมค้องใหญ่ |
ตีเติน |
| แมนหัวเขียวเลื่อนพล |
มาล้อม ฯ |
| ๓๙๖๙๏ ฝูงนี้ มีเครื่องพร้อมเสื้อหลาก |
ลายเสือ |
| เขาก็ นองพลจัดไพร่แพน |
ไปหน้า |
| แมนเฝือก้ามแถนฟอง |
เอิกป่อง |
| คึ่งคึ่งก้องเสียงฟ้า |
ล่วงลม ฯ |
| ๓๙๗๐๏ พ่างพ่างเหลื้อมค้อนพอก |
เหล็กสูน |
| ฮมฮม ชาวคาเขียวขี่ลวา |
ซำย้อง |
| ผนผนง้าวเทียมพาย |
เงือดแกว่ง |
| ยั่งยั่งช้างงาค้อม |
สี่แสน ฯ |
| ๓๙๗๑๏ เมื่อนั้นท้าวฮุ่ง ให้แส่งพร้อมเพ็งเกื่อน |
ประดับดี |
| หาญพาย ยอแพนคำซวดชู |
ซัดไค้ ฯ |
| ๓๙๗๒๏ ตำเติบ ต้องหมู่แย้เสียงสนั่น |
โฮโฮ |
| เมืองๆพายเกี่ยวทาน |
ทันหน้า |
| หัวขาวพุ้นเยียคำ |
อ้ายผ่อง |
| ชนซื่อ เถ้าไสฟ้าฟันเข้า |
ข่มเต็ง ฯ |
| ๓๙๗๓๏ ไพร่พ่องค้านคุงหมู่ |
พญาแถน |
| ญนญน ชาวเงินยางญาดชู |
ชิงช้าง |
| เขาก็ ดูระอาล้ำคนหาญ |
อ้ายไข่ |
| เขานั้น ฮู้กล่าวอ้างคำเข้ม |
ข่มแขง ฯ |
| ๓๙๗๔๏ เมื่อนั้น ไญ่ไญ่ช้างฟ้าฮ่วน |
มวลมา |
| แกวทอง ทังขุนเญียเปิบแฮง |
ยอพร้อม |
| ชนงาได้อินกอง |
งาโฮบ |
| เข้าแทบใกล้หาญพร้อม |
ชู่มือ ฯ |
| ๓๙๗๕๏ คนเก่าเจ้าท้าวฮุ่ง |
ฮุมฟัน |
| เขาก็ ยอพลเตินชู่เมือง |
ฮีฮื้น |
| ผีตายล้มกองกัน |
ดาไขว่ |
| อ้ายคว่าง ขอฟาดช้างตัวต้น |
ซั่นชน ฯ |
| ๓๙๗๖๏ ลูกไพร่พร้อมเพ็งเกื่อน |
เกาแทง |
| ทังขุนยนใช่ลือ |
ชนพร้อม |
| เพียงพันผู้ใจแขง |
ขายี่ |
| แยงหมู่ช้างเดินคว่าง |
ตัดหลัง ฯ |
| ๓๙๗๗๏ เจ้าสี่ล้ำแสนส่วย |
มาเมืองว่าตูนี้แล้ว |
| ชนพลายยังม่วนเมือ |
ธรรม์ต้น |
| เสินเสินช้างขุนเพียง |
วางผ่า |
| ฟ้าฮ่วน ป้านบ่ได้เลยพ่าย |
เถิงแถน ฯ |
| ๓๙๗๘๏ สว่าสว่า เบื้องห้าวฮุ่ง |
เอาหัว |
| คนดีแถนขาดมา |
พันท้าว |
| แต่นั้น เคืองใจเจ้าแถนลอ |
คุมเคียด |
| น้าวเครื่องห้างขายแก้ว |
ห่มตน ฯ |
| ๓๙๗๙๏ จัดหมู่หน้ายอก่อน |
ไหลหาญ |
| ผายชะลืออรนีเกี่ยวชู |
ไสเข้า |
| แมนหาญเข้าคุมคุม |
ฮ้องโห่ |
| เจ้ายี่ เขียนหมู่ข้าฝูงกล้า |
คาดชน ฯ |
| ๓๙๘๐๏ อ้ายคว่างขว้างขวางแกว่ง |
ตาวเปือย |
| ทังแถนเล็มลูกเลิง |
เลยเข้า |
| เฮาจัก กลอยแฮงพร้อมทังเมือง |
มวลผ่า |
| เถ้าไส่ฟ้าฟันตั้ง |
ก่อนเล็ม ฯ |
| ๓๙๘๑๏ ค้อมว่าแล้วอ้ายเกื่อน |
ซัดเถิง |
| พังพลายคับแผ่นนา |
นองเข้า |
| เสียงอือก้ำเจืองหาญ |
ฟันดาบ |
| คาดแม่ช้างเทียมหอก |
ฮุมแทง ฯ |
| ๓๙๘๒๏ ญาบญาบม้าพอหมื่น |
ยิงกง |
| ภายเจืองหาญข่มเล็ม |
เลยค้าน |
| แถนเล็มล้มทังปืน |
วางเครื่อง |
| เมือคั่งป้านคุงท่าน |
แถนวี ฯ |
| ๓๙๘๓๏ หนักเนื่องข้าอ้ายง่ำ |
เอาหัว |
| แมนหน้าลายขาดมา |
โดยฮ้อย |
| ผงธุลีขึ้นเมือบน |
คุมมืด |
| แถนบ่ยั้งตีช้าง |
เบิกมา ฯ |
| ๓๙๘๔๏ ออระทืดช่างเทียมพ่าง |
พลายพอน |
| ลำงาเขาหล่อทอง |
กวมบ้อง |
| ถอนตาวเช้าบนดิน |
ฟ้าสนั่น |
| ชู่ชู่พ้องทังม้า |
มากหลาย ฯ |
| ๓๙๘๕๏ หลายหลั่นด้างง้าวง่า |
แกมเขน |
| ภายขวามันลูกวี |
วางเข้า |
| เสินเสินช้างพลายวัน |
วางผ่า |
| บ่าวยี่เจ้าฮันพร้อม |
ชู่มือ ฯ |
| ๓๙๘๖๏ แถนเถือกผู้อ้ายคว่าง |
พลัดมา |
| แองคอน ยังตีนแพนอยู่คน |
ดูฮ้าย |
| เขาก็ กวนเกาพร้อมแถนวี |
วางเปิบ |
| พลไพร่ค้านฟ้าวฟั่ง |
เถิงเจือง ฯ |
| ๓๙๘๗๏ ตำเติบต้องหอแต่ |
กระจัดหนี |
| ฮมฮมเขายาดชีง |
เอาช้าง |
| เมืองเมืองเหลื้อมตาวแข |
โฮมคว่าง |
| มันบ่ช้าฟันง้าง |
ไกว่ขอ ฯ |
| ๓๙๘๘๏ พ่างๆเหลื้อมค้อนพอก |
พอแสน |
| ลำงำงอนเกี่ยวหาญ |
มาหน้า |
| มันก็ ไกวตาวต้องแถนฟอง |
ฟันขาด |
| สูบ่ฮู้ว่า ขายี่เจ้าทองล้าน |
ลูกจอมแด่รือ ฯ |
| ๓๙๘๙๏ เลือดหยาดย้อยช้างเฮี่ย |
ฮำดิน |
| แขงว่า ยอมมือญูท่างสู |
กุมข้า |
| เปนแต่ ใจถวิลห้องหนนาง |
พรหมโลก |
| ครันว่า ป้ำเทื่อนี้เมือฟ้า |
เล่ากวน ฯ |
| ๓๙๙๐๏ เฮาบ่ ได้โศกง้อสูช่อย |
แมนหนา |
| เฮาจัก กองกันตายไฮ่เดียว |
ลางแล้ว |
| สวานงาช้างแมนเล็ม |
ล้มท่าว |
| ปะดาบง้าววางไว้ |
บ่หนา ฯ |
| ๓๙๙๑๏ สว่าสว่าเบื่องแถนเถือก |
ฮุมฟัน |
| เทื่อนั้น เสียตนอาวจากเจือง |
ใจกล้า ฯ |
| ๓๙๙๒๏ ท้าวฮุ่งฮู้ขวางเกี่ยว |
พานคำ |
| ผัดว่า ชนไอยราตอบมือ |
มันเจ้า |
| ขุนยำเจ้าเชียงทูน |
พลมาก |
| ไญ่ไญ่ย้ายพลตื้อ |
ฮาบมา ฯ |
| ๓๙๙๓๏ สว่าสว่าเบื้องฟ้าฮ่วน |
ฟังมา |
| ทังแถนเลิงถูกเล็ม |
เลยเข้า |
| ไอยราย้อยมันแหลว |
ฮำปาก |
| คื่นคื่นเค้าหลายล้าน |
เลือกมา ฯ |
| ๓๙๙๔๏ ผัดว่า ม้างหมู่เจ้าท้าวฮุ่ง |
พานคำ |
| ผาลาหลายแบกเกิม |
กางเข้า |
| ลวงกางไว้แถนลอ |
ผู้ใหญ่ |
| ปะคือฮ่มกั้งยวงย้าย |
ออกเวียง ฯ |
| ๓๙๙๕๏ ชะพู่ช้างเทียมพ่าง |
พิศหลอ |
| เกวียนทองเทียมล่วงชู |
ไสเข้า |
| หองามเหลื้อมคำปลิว |
ดูอาจ |
| ตนท่าน เจ้าแผ่นฟ้าคูนท้าว |
ลูกแถน ฯ |
| ๓๙๙๖๏ ชาดชาดค้อนแกมดาบ |
เขนคำ |
| ผีนองมาดั่งฝน |
เดือนเก้า ฯ |
| ๓๙๙๗๏ ท้าวฮุ่ง ผู่ผ่านพื้นเมืองใหญ่ |
ทรงปะกัน |
| ไสพานคำเกี่ยวมา |
ปานฟ้า ฯ |
| ๓๙๙๘๏ เจ้ายี่ ถอดดาบกล้าคมเงือด |
คึงมือ |
| เฮาจัก แยงทันกลางหมู่ลอ |
ลางแล้ว |
| แถนเล็มไว้แองคอน |
อ้ายหาด |
| ผัดผาบม้างฝีฟ้า |
อว่ายคืน ฯ |
| ๓๙๙๙๏ ไญ่ไญ่ ช้างจ่าซ้อนชนช่อง |
แถนเลิง |
| ทังแองคอนใช่ลือ |
เลยเข้า |
| ผงธุลีขึ้นเมือบน |
บดมืด |
| แมนค่าล้านถอยฟั่ง |
ฮมฮม ฯ |
| ๔๐๐๐๏ ออระทึดเที้ยนแมนติ่ว |
เต็มนา |
| พลายเจืองหาญไล่ชู |
เอาช้าง |
| แต่นั้น มัวใจเจ้าแถนลอ |
คุมเคียด |
| ผัดกล่าวม้างพลล้าน |
ลูกจอม ฯ |
